На 24 декември 2019 г., тим од Кратово составен од седум ученици од СОУ „Митко Пенџуклиски“, Цветанче Тодоровски, Младен Мицевски и Стевче Доневски, со подршка од Општина Кратово и градоначалникот д-р Љупчо Бојаџиев, учествуваа на снимањето на новогодишното издание на емисијата „Вкусот на традицијата“ на Адријана Алачки, во продукција на ТВ Алфа.
За потребите на снимањето на оваа емисија, што се одржа во комплексот Етно Село „Тимчевски“- Куманово, учесниците и претставниците од Кратово приготвија богато мени од традиционалната кратовска кујна: мантии, качамак, пастрамајка, проја, арм’к, катмер, вртена баница, тиганици, ванилици, кокос колач, лутика со компири, турли тава, торта и уште многу други специјалитети. На снимањето исто така учестуваа и тимови од Могила, Прилеп, Струмица, Радовиш, Крушево, Скопје, УГД Штип и др.
Поради богатата и вкусна традиционална трпеза, комисија составена од членови на Здружението на готвачи ГАСТРОМАК на нашиот тим од Кратово додели сребрен медал и пехар за најдобра традиционална кујна.
Новогодишното издание на емисијата „Вкусот на традицијата“ со нашите претставници и негувачи на традиционалната кујна ќе биде емитувана на ден 1 јануари 2019г. на ТВ Алфа со почеток од 12 ч.
