Потпишан Договорот за доделување грант од Амбасадорскиот фонд на САД за реставрација на Златкова кула

1479152_783827411664182_1633792741840143570_n Министерката за култура Елизабета Канческа – Милевска и американскиот амбасадор Пол Волерс, денеска пред платото на Златкова кула во Кратово во присуство на Градоначалникот на општина Кратово, Мите Андоновски и директорот на Музеј на град Кратово, Драган Ѓеоргиевски го потпишаа Договорот за грант од 97 700 долари за реставрација на Златкова кула од Американскиот фонд за култура.

Ова е најголем грант досега што го доделува американската амбасада, а Златкова кула е трет споменик на култура од овој вид што ќе биде обновен и отворен за туристите. Во овој објект ќе биде сместен и Културно-информативниот центар и спомен соба со постојана музејска поставка посветена на 500-годишнината од смртта на Ѓорѓи Кратовски.

Министерката во своето обраќање се заблагодари за помошта и подршката на американската амбасада за македонското културното наследство и кажа дека со реализацијата на грантот за Златкова кула градот Кратово ќе добие дополнителна содржина кои ќе бидат туристичка атракција и за домашните и за странските туристи.

10479728_783825008331089_9077859536659302020_nАмбасадорот Волерс истакна дека грантот Златкова кула е 12-ти проект од Амбасадорскиот фонд за културна заштита во Македонија, Кратово има богата историја, факт што им станува јасен на сите кои чекорат по историските улици и античките мостови на градот. Кулите се важен дел од таа историја. Среќни сме што можеме да ја реставрираме оваа  кула ида ја вратиме нејзината оригинална убавина и сила така што и граѓаните на Македонија и странските посетители ќе можат да се вратат назад во времето и да ја почуствуваат историјата од прва рака, рече денеска амбасадорот Пол Волерс.

facebooktwittergoogle_pluslinkedin