 Локалната Самоуправа на општина Кратово и Музејот на град Кратово денес 30-ти јануари пред спомен бистата во Кратово, со Панихида ја одбележаа 61-годишнина од смртта на првиот преживеан гемиџија и прв министер за правосудство на Македонија Павел Шатев.
По тој повод беше одржана богослужба и беше положено свежо цвеќе од страна на претставници на ЛС на општина Кратово, Сојузот на Борците и младинци од ООУ,,Кочо Рацин,, и СОУ,,Митко Пенџуклиски,, од Кратово. Потоа во изложбениот салон на Музејот на град Кратово, на свечен начин беше отворена изложба на слики и фотографии на тема - Ликот и делото на Павел Шатев.
Пред присутните граѓани претставници од институциите во градот и младите за Ликот и делото на Павел Шатев , зборуваше Професор Тодор Коцевски, автор на Книгата ,,Хронологија за животот и делото на Павел Поцев Шатев 1882-1951,,. |
